Si wap suiv lakou sa a depi kèk tan,  sou blog la ak facebook, ou deja konnen nou toutan ap rekomande yon fanm aprann yon metye, nou toujou di e nap redil, fok yon fi gon bagay nan menm l poul siviv, fòk li eskplwate don ke li genyen poul fon biznis, fòk li toujou gon bagay lap fe poul jenere reveni, lajan.

Pouki nou toujou ap anmerde zorey ou ak pawol sa yo?

Enben le nou gade nan antouraj nou, kidonk  nan mitan fanmi nou, zanmi nou, lekol, vwazinaj, nou jwen anpil egzamp ki fè nou kwe si yon fanm te gen edikasion gen de seri de bagay li pa tap sibi yo, oswa li te gen dwa sibi yo men sitiyasion an tap diferan.

Chita poum rakonte w yon istwa, pran san w lil, aprann de istwa sa pousa louvre jew ak je jenerasion kap vini an.

 

Gon Dam kite rele Ginette Jemfèmen,  li te yon jenn fanm byen kanpe kite konn fè « lapli et le beau temps » nan Potoprens, lè Potoprens te Potoprens toutbon. Lè lasosyete ap fè bal nan salon lakay yo, se Ginette Jemfèmen yo konn mete en chaj paske li te yon fanm ki gen nan menl, li konn anime, li te yon fanm lèl antre nan yon sal, li briye kon chodyè ou sot foubi epi mete nan soley. E li te konn moun, gro moun ki gen gro non, alèkile li te vinn jwen yon post  Direktez depatman relasion intenasyonal; menm lè tou li te fè inivesitel Ayiti.

 

Yon bon Samedi apre midi nan mwa Novanm, kom li te toujou gen fet lakay li le Samdi nan zonn Kafou, lavi manzè  te vinn chanje jou sa a.  Mizik, danse, plogue, bwason, bon manje, blag ap tonbe, tripotay ap fet, mesye marye ki vinn banboche ak metrès yo, ah c’etait la belle époque!!! pou Ginette.  Yon zanmi li te vini akonpanye ak yon mesye ki rele Clobert zafekgadewkitemelem, moun yo fe konesans epi saw tande a lanmou pete pye, moun damou pou kek tan apre yo marye.

 

Mr. Clobert zafekgadewkitemelem, deside pou lal viv lotbodlo, Li chita ak Ginette, li di li lel rive nan peyi blan an, li pa bezwen al travay , lap okipel, lap achte kay pou li men lap peye pou lal lekol lotbo a.  Vreman vre, Clobert kite gon bon job, achte kay pou Ginette, men Ginette pat vle al lekol lotbo a paske lap viv byen, paske li te trouve tou aprann pale lang blan an te tro difisil epi li di ke li pat jween anpil moun kite motive pou l ale lekol lotbodlo a.

Men Ginette jemfemenpodyab, pat reyalize nan ki fanmi lal lague ko li, Saw tande a, pèsekision, jouman, bagay malefic fek kont Ginette; anfen  lavi Ginette tounen yon lanfè , epi saw tande a Mr. Clobert deside li koupe tout avantaj li te konn ap bay Ginette yo.

 

Apre dezan chita nan kay, Ginette se ti job lal fe nan peyi blan an, se goumen lap goumen poul peye kay tandi ke li te jween opotinite a poul tal pran diplom li. Menm lang lan li pa konn pale bien. Clobert di zafekgade l, li pat bay Ginette regle anyen pou li, Clobert gen plizye metres e lap jwi lavil. Ginette kounyea se sipliye lap sipliye neg la poul ba li yon ti kob, li travay di kon bourik , kob lap touche le l finn peye ‘’bills’’ yo se pen ak kafe li ka achte a res la. Se dlo lap bat poul fè bè poul sa genyen yon ti ekonomi.

Kisa w aprann de istwa sa a?

Gen plizye bagay ki vinn antre nan sitiyasion sa a, mank de disèneman, mank de refleksion, men sa m vle w fè konprann, an gwo si Ginette te kontinye etid li lotbodlo, menm lè mari a ta dil vouzan, bagay yo pap mache, li te ka gon karyè nan menl ki ka nonselman peye  »bills » yo men li tap gon ti ekonomi. Ou konprann sam vle di w la?

Ma chère, lavi a gen sipriz ladanl, pa depann de moun ki toutan ap baw, moun lan gen dwa bip li mouri, li gen dwa deside yon jou li pap ba w anko.  kisa w pral fè? Kijan w pral viv?

 

Mwen toujou di nou, aprann yon metye, pran yon kou, menm lè ou ta gon diplom ajoute sou li, si w pa gen kob pou al nan inivesite, al nan lekol teknik, aprann kouti, kuizinn, a floral, sekretarya,aprann yon lang, siw paka al lekol, pasion kew gen nan kew la fel tounen yon biznis, pa chita, pa pedi tan. AKTIVE!!!

Edikasion bay pouvwa, li ba w diyite, edikasion son zam wi li ye, li mete w pi wo, li ouvri pot opòtinite pou w.  Si yon bagay rive, ou konnen ou te envesti nan tet ou.  Reflechi, wa di  komè w te di w sa.

Rachel MISERE

Publicités

Un commentaire sur « Envesti nan tèt ou pou w pa soufri pita »

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google

Vous commentez à l'aide de votre compte Google. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s