Tan an presye, kou w bat je w ane a fini, kou w bat je w  si zan gentan pase deja, tibebe ki fet devan je w , se tande ou tande se marye yo pral marye, telman tan an kouri. Nou konn mande tet nou, sa nou regle pandan tout tan sa yo?

Men  kek egzanp:

1) Chita tout jounen

Chita pap regle anyen pou w . Chita ap tann moun vinn ba ou, ap tan diaspora. Fe tout jounen chita sou bout mi galeri a ap gade lè pasan, o mwen ou ta gon liv nan men w pou fè lekti.

2) Pase twop tan nan telefòn

Pase de zè de tan nan telefòn ap radote ak Maggi kap rakonte w mizè tijack ap fel  pase, m pa di w pou pa gen konpasion, men gen moun ki pap fè yon jes pou yo chanje sitiyasion yo. Si Maggi fè dèzane lap rakonte w menm istwa a, li gon pwoblem grav, ou pa terapeut li. Yon lot fwa Maggi rele, pa reponn. Ou plen bagay pou regle, al okipe biznis ou.

3) Pèdi tan sou rezo sosyal

Nou tout koupab , ni mwen tou, ap gade foto, status, fè komantè e latriye. CEO rezo sosyal yo finn milyonè deja. Ann aprann bay tet nou limit, ou logging , ou fè saw gen pou fè, epi loggout, al regle biznis ou, chanm lan ki gen pou netwaye a , plen lobey la, al netwayel, jete sa w pa bezwen.

hands-woman-laptop-notebook

 

4) Komanse etid ou , ou pa finil.

Koman fe ou envesti tout eneji w ak lajan w ou pa fini etid ou? Sakap pase w konsa? gade leve pye w, ane sa fok ou fini etid ou. Fè tan pou sa, degaje w, tan an pap tann ou. Motive, pèsiste, focus, jiskakske ou jween diplòm lan.

5) Kokoday

Anba vant ki moun ou chita ap absorbe konsey? Epi kijan de konsey? Nan lavi a ou pa oblije gon barik zanmi, pifo nan yo son bagay yo bezwen nan ou, zanmitay ki pa vo anyen fè ralanti de kote nou vle ale a, sitou lè ou gen pwojè pou fè epi yo pa janm sipote w. Kisa w jween nan yon zanmi ki negative? ki pa janm ankouraje w? se le l bezwen li rele w, li toujou ap rakonte w pwoblem li men li pa janm mande w koman w ye,  menm lapriyè li paka lapriyè pou ou a? Dim eske se pa tan w wap pedi? Depi w nan kokoday ak moun, lavi w pap an pè paske toutan gen zen, lobey, dram, men sa entel te di ak pale moun mal. Pase tan ak moun ki vreman enpotan pou ou tande.

6) Reziyen w nan relasyon w

Rete nan yon relasion ak yon moun ou konnen nan fon ke w ki pap abouti ak anyen. Gen plizye siy ki di w mouche a pa bon, men ou rete avel kan menm. Adyeee!!! Alekile ou reziyen w paske ou envesti anpil tan avel, atò ou pa panse se tet ou wap fè pi mal? Se tan w wap pedi. Misye pap chanje, jan l ye a depi l pa rekonet li bezwen chanjman, li pap chanje. Moun lan ap few soufri, sa pa rele lanmou, sa son lanfè; chape pou l ou. Toutan wap kriye, ou pa janm kontan, wap plenyen, ou pa satisfe, a kwa bon alors ma chere? Ou pa oblije aksepte yon sikonstans negatif nan lavi w sitou lè ou konnen lavi w vo plis ke miyò.

7) Rankinn

Pase tan w ap repase kaset nan tet ou pou sa entel te fe w. Li pa fasil pou padone non, men fo w eseye fel, se pou ou lap bon. Lè wap pedi tan w kalkile epi moun lan li menm se lavi l lap jwi.

Chwa a se nan men w li ye, swa w deside pou pran avantaj de tan an oswa ou kite tan an pase epi w ap vyeyi ,ou pa janm regle anyen.  Kisa w pral fè? koman w pral jere tan w?

‘’Kreye lavi ke w vle a ak resous ke w genyen yo’’

 

Rachel MISERE/OPINIONSDEFEMMES©

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s