Tags

, ,

gossiping

Tout travay gen stres, espesyalman le w gen koleg ki manke de twa fey lakay yo , stres la anplifye. Mwen sur et certain pou sa kap pase nan travay nou, sinn ekri yon liv sou sa, nou tap gentan rich.  Viv ak moun se youn, travay ak moun menm, mande yon nivo de diplomasi ak yon pasyans surnaturel. M konnen pafwa ou anvi bay Nadine koleg ou yon sel tabok ou voyel jis Zimbabwe.

slap

Nan travay nou , nou jween tout kalite espes, nou pa pafè non, men….se plenn nan kè. Nou gen koleg ki yon ‘’bête noir’’, Yon ‘’jounalis’’ ki rate vocation l, yon ‘’matuvi’’, yon ‘’radio teledyòl’’, yon ‘’leche-cul’’ sa nou rele tisousou pa bo isit la, yon ‘’fè- sanblan -map –travay’’,  yon ipokrit, youn tout saw fè pa bon, yon lot ki renmen mete gaz sou difé depil jween opotinite a,  yon wangatè, wangatez; genyen tou ki gen trouble psychiques lakay yo men ki poko  al kay doktè pou yo diagnostike yo, tankou  trouble bipolaire, nymphomanie, ‎borderline  ak ‎délire paranoïaque. Ouf lis la long….

loud-talker-coworker

Koman nou ka travay ak jan de koleg sa yo diplomatikman?

Premyerman ou paka kite job la pou moun, dezyeman ou bezwen kob la yap peye w la, ou gen bagay pou w okipe; twazyeman ou paka bat yo, ou paka fe vyolans, dayè ou tro bel pou al rete penitansye. (Rires)

Pou kenbe sante mantal ou klè  ak nanm ou an pè, nap baw de twa ti konsey ki ka ede w nan sans sa a :

  • Eseye ignore yo, ou pa wè ou pa tande, fè travay ou, vire dow ale lè lè a rive.
  • Souri ba yo, le yo ta vle few fe kolè, griyen danw bay o, pa kite moun lan transfere kolè l ba ou.
  • Selon saw kwè al Flite dlo beni, aplike le sang de Jesus, oswa trase yon vèvè sou biwo yo a, ( je plaisante !!!!) non, non souple pa al fè sa, pou jan Ayisyen sipèstisye, m pa vle w al pedi ti job la. Hahahaha
  • pray
  • Medite, lapriye. Pran 2 minit al nan twalet la epi pran kalm ou, Mande granmet la poul edew. Enspire , Eskpire.
  • Bwe yon ti te kamomiy anvan w al travay, li kalme ”les nerfs”
  • Chache konnen pouki moun lan aji konsa, gen moun se ignorans, mank de profesyonalism, oswa li gen dwa gon problem lakay li pa konn koman poul jerel epi li defoulel nan travay la, genyen ki pa konn koman pou yo bay tet yo limit, genyen tou li konsidere koleg li yo kom yon fanmi, lakay li gendwa son lanfè. Li du pou tolere moun ki pat elve menm jan avew, e sitiyasion an frajil le se koleg ou, kidonk, nan travayfok ou toujou profesyonel, itilize diplomasi toutan, konn limit ou, nan sans ke travay rete travay, antan ke profesionel, gen je kap gade w, ranje kow, pa tounen yon ‘’bête noir’’ pou yon lot, promosyon yo pral bay la gendwa se ou yo pral bay li.
  • citation-travail-istock-000043040710-large-copie-1149429_H160958_L

Map kitew ak twa mo sa yo:

ETHIQUE PROFESSIONALISME ET DIPLOMACIE

Professionalism

Na we pita,

Rachel M/OPINIONSDEFEMMES©

Advertisements